Co-i röbettin macciae de stoia antiga
E l’incoscienza da nostra zoventù
Se semmo misse insemme pe poei cantâ
Di vë–gi trallallero e canzonette.
Fin da figgieue n’han parlou zeneise
E ne ninnavan co-a canzon Piccon
Oua ch’emmo zà quarche anno in ciù
Cantemmo pe pascion con tutto o cheu.
E semmo chì çercando d’aröbave n’emoscion
Con muxica e parolle ricamae
E primma o poi scrovî in te vostre facce l’allegria
Cantâ con noiatre fâ passâ o magon
E semmo chì çercando d’aröbave n’emoscion
E insemme fâ di xeui co-a fantaxia
Pe poei tornâ ‘na votta ancon figgieue
Fäse ninnâ co-a a canzon Piccon
Co-i vëgi röbettin de madonae
E i scössalin pin de stelle açeize
Semmo chì contente de poei cantâ
Pe tutti quelli che vorrian sentî
I nostri poae n’han mostrou a stradda
E a stoja a n’ha insegnou a conosce Zena
Semmo e figiosse de ‘sta çittae
Ve demmo o cheu tegnivelo in te man
E semmo chì çercando d’aröbave n’emoscion
Con muxica e parolle ricamae
E primma o poi scrovî in te vostre facce l’allegria
Cantâ con noiatre fâ passâ o magon
E semmo chì çercando d’aröbave n’emoscion
E insemme fâ di xeui co-a fantaxia
Pe poei tornâ ‘na votta ancon figgieue
Fäse ninnâ co-a a canzon Piccon
Fäse ninnâ co-a a canzon d’amô